இந்தியாவின் இன்றைய விஞ்ஞான ஸ்தாபனங்களும் ஐஐடி போன்ற உயர் தொழிற் கல்லூரிகளுக்குமான விதை இந்தியா சுதந்திரமடைவதற்கு முன்பே 1940-களில் விதைக்கப்பட்டது. அவ்விதைகள் பெரும் ஸ்தாபனங்களாக நிறுவப்பட்டதும் அந்நிறுவனங்களுக்கான அரசு அதரவு அடித்தளமாக அமைந்ததும் ஜவஹர்லால் நேருவின் ஆட்சிக் காலத்தில் நேருவின் நேரடி ஈடுபாட்டுடன் நடந்தவை, அதனால் தான், மிகையாகவெனினும், இந்தியாவின் சிற்பி நேரு என்கிறோம். இன்றைய மோடிகளும், அமித் ஷாக்களும், காமகோடிகளும் இருந்திருந்தால் மாட்டு தொழுவங்கள் தாம் இந்தியாவுக்கு கிடைத்திருக்கும். உடனே மோடி ஆட்சியில் பல்கி பெருகிய ஐஐடி, ஐஐஎம் கணக்குகளை சொன்னால் என் பதில், “நேருவின் அடித்தளம் அக்கல்லூரிகளில் கோலோச்சும் உயர் சாதியினருக்கு, இன்று அவர்களில் பெரும்பாலோர் பாஜக அடிப்பொடிகள், உயிர் மூச்சு, அது அறிந்து தான் மோடி மேலும் கல்லூரிகளை துவக்கினார். நேருவின் முன் மாதிரி இல்லாவிடின் இவை இன்று உருவாகி இருக்காது ஏனென்றால் முன் மாதிரிகளை உருவாக்கும், முக்கியமாக கல்விப் புலத்தில், அறிவு விசாலம் இந்த கோமூத்திர கூட்டத்துக்கு கிடையாது”.
இன்று இந்திய அறிதல் முறை, இந்திய மரபு மருத்துவம் என்று பிதற்றும் இந்த மூத்திரக் கூட்டம் “அமெரிக்க எம்.ஐ.டி போல் ஒன்றை நிறுவுவோம்” என்று சொல்லும் அறிக்கையை குப்பைக் கூடையில் போட்டிருப்பார்கள். இன்றைய கோமூத்திர கூட்டம் அன்று இந்தளவு செல்வாக்கு பெற்றிருந்தால் அப்படி ஒரு அறிக்கை எழுதப்பட்டிருக்காது, எழுதினாலும் பிரதமர் வீட்டு குப்பை கூடைக்கு தான் அது போயிருக்கும்.
பொதுத்துறை நிறுவனம் ஒன்றை திறந்து வைத்து நேரு “இதோ நவீன இந்தியாவுக்கான கோயில்கள்” என்றார். அக்கூட்டத்தில் இருந்த தலித் சிறுவன் நேருவிடம் “கோயில்களில் எங்களுக்கு அனுமதியில்லை, இந்த கோயில் எப்படி?” என்று வினவ அவனிடம் நேரு, “இக்கோயிலில் எல்லோருக்கும் அனுமதி உண்டு” என்றார். அச்சிறுவன் காஞ்சா ஐலையா. இன்றோ கோயில் கட்டுவது, கோமூத்திரமே அரசு தரப்பின் உரையாடல்கள். ஐயா நேரு, நீ எப்படிய்யா இந்த தேசத்தில் பிறந்தாய்? ஹ்ஹ்ம்ம் இந்தியாவின் நல்லூழ். நேரு மட்டுமல்ல அன்றைய தலைமுறையில் பலரும் அறிவியல் முன்னேற்றம், கல்வி பரவலாக்கம், தரமான கல்வி, தொழில் முன்னேற்றம் என்று பேசி, எழுதி, செயல்பட்டனர்.
நம் மகாகவி நேருவுக்கு குறைந்தவனில்லை. விஞ்ஞானத்தையும் தொழில் நுட்பத்தையும் நேசித்து அதனை நம் தேச முன்னேற்றத்துக்கு நுகத்தடியாக கைக்கொள்ள பிரயாசைப்பட்டான். பாட்டிலும் கட்டுரையிலும் பாரதி மீண்டும் மீண்டும் கல்வியின் முக்கியத்துவம், அறிவியலின் அவசியம் குறித்து எழுதினான். இந்திய விஞ்ஞானி ஜகதீஷ் சந்திர போஸின் உரையை மொழிபெயர்த்து வெளியிட்டான், திருச்சியில் தொழில் நுட்ப பயிலகம் திறக்கப்பட்டது குறித்து குதூகலித்து நம்மவர் “எஞ்சினியரிங் படிக்க வேண்டும்” என்று ஆசைப்பட்டான். அவனும் நேருவும் பிராமணர்கள் தான் ஆனால் காமகோடி மாதிரி காஞ்சி சங்கர மடத்தில் மூளையை அடகு வைத்து சாதிய கிணற்றுக்குள் சுற்றிய தவளைகல்ல.
காமகோடி மார்கழி பஜனை செய்து தெருவில் நடந்து போகும் படம் ஒன்று சமீபத்தில் வெளிவந்தது, அதனை ட்விட்டரில் போட்டு “இதை கண்டால் அரவிந்தன் கண்ணையன் எரிச்சலடைவார்” என்றார் ஒருவர். ஏனய்யா அந்தாள் தெருத் தெருவாக அங்க பிரதட்சணமே வேண்டுமானால் செய்யட்டும் எனக்கென்ன, அவர் உடம்பு, அவர் நம்பிக்கை. இது எனக்கு பிரச்சனையே அல்ல.
மாறாக மாட்டு மூத்திரம் நோய் தீர்க்கவல்லது, “அமெரிக்காகாரனே சொல்லிட்டான்”, “சயன்ஸே சொல்லுது” என்ற பம்மாத்துடன் பேசியது தான் என்னை உறுத்துகிறது. உடனே ஏதோ சில காப்புரிமை பதிவுகள், சில ஆராய்ச்சி வெளியீடுகள் சுட்டிக் காட்டப்படுகின்றன. பேஸ்புக் நண்பர் ஒருவர் மலத்தில் இருந்து பேக்டீரியா எடுத்து இன்னொருவருக்கு செலுத்தி ஒரு குறிப்பிட்ட குடல் நோயை குணப்படுத்தும் முறை பற்றி அமெரிக்காவின் மிக உயரிய பல்கலைக் கழகமான ஜான்ஸ் ஹாப்கின்ஸ் வெளியிட்ட ஆராய்ச்சிக் குறிப்பை சுட்டினார். இதில் பிரச்சனை அந்த ஆராய்ச்சி தெளிவாகச் சொல்கிறது கண்டவரின் மலத்தில் இருந்து பேக்டீரியா எடுத்து இன்னொருவருக்கு செலுத்தக் கூடாது, மிக கவனமாக தேர்ந்தெடுக்கப்பட்ட கொடையாளியிடமிருந்து தான் எடுக்க வேண்டும் அதுவும் மிக குறிப்பிட்ட குடல் வியாதிக்கு மட்டுமே இது தீர்வு கண்ட குடல் வியாதிக்கும் செய்யக் கூடாதென்கிறது. இதே தான் மாட்டு மூத்திரத்துக்கும் பொருந்தும். கண்ட மாட்டு மூத்திரத்தை எடுத்து குடித்து விட்டு நோய் தீருமென்று நம்ப மாட்டு மூளை தான் இருக்க வேண்டும்.
மூத்திரமோ, மலமோ, ஏன் கொடிய விஷமோ கூட மேற்கத்திய அறிவியல் பாகுபாடின்றி எடுத்து மருத்துவத்துக்கு பயன்படுத்தும் ஆனால் மிக, மிக கவனமாக பல்லாண்டு ஆராய்ச்சிகளுக்குப் பின். இதில் முக்கியமாக கவனிக்க வேண்டியது அவர்களுக்கு விஞ்ஞானத்தை தாண்டி மூத்திரத்தையோ மலத்தையோ தேர்ந்தெடுக்க வேண்டிய உந்துதல் கிஞ்சித்தும் கிடையாது. கோமூத்திர குடியன் காமகோடி அப்படி பட்டவரில்லை. அவரிடன் பன்றி மூத்திரத்தில் நோய் தீர்க்கும் குணம் இருக்கிறது என்று சொல்லிப் பாருங்கள், அவ்வளவு ஏன், பன்றியை சாப்பிட்டால் நோய் தீரும் என்று சொல்லிப் பாருங்களேன்.
இன்று உலகெங்கும் நீரிழிவு நோய்க்கும் உடல் பருமனைக் குறைக்கவும் அருமருந்தாக இருக்கும் ஓஸெம்பிக் (Ozempic) மாதிரி மருந்துகளின் அடிப்படை ஒரு வகை பல்லியின் விஷம் தான். இந்த குறிப்பிட்ட பல்லிகள் சொற்ப உணவில் உயிர் வாழ்வதை ஆராய்ந்து மிக நுட்பமாக குறிப்பிட்ட மாலிக்யூல்களை அடையாளம் கண்டது ஒருவர். இது பற்றி நியூ யார்க் டைம்ஸ் மயிர் கூச்செறியும் கட்டுரை ஒன்று வெளியிட்டிருக்கிறது. கோமூத்திரத்துக்கு பதிலாக அந்த ஆராய்ச்சியாளரின்……குடித்தாலாவது காமகோடிகளுக்கு புத்தி வரலாம், அப்போதும் வராமல் போகலாம்.
காமகோடி ஓர் ஆராய்ச்சியாளராச்சே அவருக்கு விஞ்ஞான நோக்கிலான அறிவுச் செயல்பாடு (‘scientific temperament’) இருக்குமே என்றால் அது அவரிடம் இல்லை என்பதோடு அவர் விஞ்ஞானம் தொழில்நுட்பமெல்லாம் ஏதோ படித்தார், ஒரு துறையில் முன்னேற தேவையான ஆராய்ச்சியை ஒரு கடைநிலை ஊழியனின் சீட்டு தேய்க்கும் மனோபாவத்துடன் செய்தார். இந்தாள் தன்னிடம் பாஸ்போர்ட் இல்லை என்று இளித்துக் கொண்டு “simple sudha” மாதிரி சொல்வார், உடனே பேட்டி எடுப்பவருக்கு புல்லரிக்கும், “சார் ஐஐடி-யில் படித்து விட்டு எப்படி சார் வெளிநாடு போகாம இருக்கீங்க என்பார்” இவரும் இன்னும் விசாலமாக இளிப்பார். இந்தாள் காஞ்சி மகா பெரியவா சொன்னதை கேட்டு கடல் தாண்டினால் தீட்டு என்ற ஒரே காரணத்துக்காக பாஸ்போர்ட் எடுக்காத கோமூத்திர தண்டம், இதில் என்ன பெருமை. பாஸ்போர்ட் எடுப்பதே தாய்லாந்து போய் பலான மஸாஜ் செய்து கொள்ள என்று நினைத்திருப்பார். பிரயாணமே உலக ஞானம் என்பதோடு சர்வதேச கருத்தரங்குகள் ஒரு விஞ்ஞானிக்கு முக்கியமானவை. அது புரியாத சாதிய கிணற்றுத் தவளை. பாரதிக்கு வறுமை வாட்டியது, “ஐயோ பணம் இருந்தால் உலகத்து மேன்மை எல்லாம் கண்டு ருசித்திருப்பேனே” என்று அங்கலாய்த்தான். அவனும் பிராமணன் தான்.
இன்று காமகோடியை, அவர் பிராமணர் என்பதாலேயே, நக்கலடிக்கும் திராவிட இயக்கத்தாரும் யோக்கியமில்லை. கபசுர குடிநீர், சித்த மருத்துவம், பஞ்ச கவ்யம் என்று பிதற்றி அலையும் கூட்டத்துக்கு கழக அரசும் கழகத்தினரும் பெரும் ஆதரவாளர்கள் தாம். சித்தா, ஆயுர்வேதா எல்லாம் காலத்துக்கு ஒவ்வாத டுபாக்கூர் மருத்துவங்கள். அவற்றில் அங்கொன்றும் இங்கொன்றுமாக இருக்கு நல்லவைகளை, அதையும் அமெரிக்கா காரன் ஆராய்ச்சி செய்து இதனால் தான் இதில் வியாதி குனமாகிறது என்று சொன்ன பிறகு, வைத்துக் கொண்டு தம்பட்டம் அடித்து ஊரை ஏமாற்றுகிறார்கள் இந்த மரபு மருத்துவக் கூட்டம்.
பொதுத்துறை நிறுவனங்கள் உருவாக்கும் போது அவற்றை நிர்வகிக்க நிர்வாக மேலான்மை பயிற்சி பிரத்யேக கல்வி என்றுணர்ந்து அதற்கும் கல்லூரிகளை, ஐஐஎம், உருவாக்கினார் நேரு. வெளியுறவுத் துறை பணிக்கும் கல்லூரி. நேருவிய திட்டமிட்ட பொருளாதாரத்தின் தந்தை மஹலனாபிஸ் நிறுவிய புள்ளியியல் கல்லூரியில் உலகெங்கிலும் இருந்து மாணவர்களும் ஆராய்ச்சியாளர்களும் வந்தனர். ஓ அது அது தான் எப்பேற்பட்ட யுகம். அவன் சிறியன சிந்தியாதான்.
1951 ஐஐடி மாதிரி ஒரு கல்வி நிலையத்தை ஒரு இஸ்லாமியர் கல்வி அமைச்சராக இருந்த போது, நாடு மிகுந்த ஏழ்மையில் உழன்ற போது திறப்பதற்கு அசாத்திய விசாலப் பார்வை வேண்டும். அப்ப்டி ஒருவன் இருந்தான் என்பதே இன்று ஆச்சர்யம். அவனாலேயே அத்தகைய கனவுகளை சாதாரணர்களும் கல்வியாளர்களும் ஆய்வாளர்களும் வளர்த்துக் கொண்டனர். யதா ராஜா ததா பிரஜா.
காமகோடி பேசியதை தானே தமிழிசையும் நம்மாழ்வாரும் பேசினார்கள் ஏன் காமகோடிக்கு இத்தனை காட்டமான அர்ச்சணை என்று கேட்டால் அதற்கு என் பதில், “காமகோடியின் பதவி அவர் சொல்லுக்கு ஒரு மேடை அமைக்கிறது. அது தமிழிசைக்கும் நம்மாழ்வாருக்கும் ஏன் எச்.ராஜாவுக்கு கூட கிடையாது. மேலும் இவரை போன்ற ஹிபாக்ரட்டுகள் மேற்குலக ஞான மரபின் பலன்களை பெற்றுக் கொண்டே ஊரை ஏமாற்றுகிறார்கள் ஆகவே இவரை தான் அர்ச்சிக்க வேண்டும்”.
உண்மையாகவே இன்றைய தமிழ் பிராமண சமூகம் பரிதாபத்துக்குரியது. பாரதி, நிலகண்ட சாஸ்திரி போன்றவர்களில் இருந்து வெகுவாக கீழிறங்கி துக்ளக் சோ என்று வந்து அதிலிருந்தும் கீழிறங்கி இன்று எச். ராஜா, விஷாகா ஹரி, மதுவந்தி, கஸ்தூரி, காமகோடி, நாராயண மூர்த்தி என்று வந்து நின்றிருக்கிறது.
“பார்ப்பனக் குலம் கெட்டழிவு எய்திய
பாழடைந்த கலியுகம் ஆதலால்
வேர்ப்ப வேர்ப்ப பொருள் செய்வதொன்றையே
மேன்மை கொண்ட தொழில் எனக்கொண்டனன்”
வெங்கி ராமகிருஷ்ணனை மறக்க இருந்தேன். அவரும் பிராமணர் தான் ஆனால் விஞ்ஞானத்தை விஞ்ஞானமாக மட்டுமே பார்த்த மிகச் சிறந்த அறிவியலாளர். அவரை அழைத்து இந்த அரசு கூத்தடித்த போது விட்டால் போதும் என்று ஓடி விட்டு இந்திய அறிவியல் காங்கிரசில் பிரம்மாஸ்திரத்தில் அணு அராய்ச்சி மாதிரி உரைகளைக் கேட்டு அரண்டு போனதாக சொன்னார். யதா ராஜா ததா பிரஜா.
இன்னும் ஓர் நூற்றாண்டு ஆனாலும் காமகோடிகளால் ஃபெயின்மேன் மாதிரி எழுதவோ பேசவோ முடியாது. போய் ஒரு பள்ளியில் ஃபெயின்மேன் பற்றி உரை நிகழ்த்த யோக்கயதையோ ஊக்கமோ இல்லை மாறாக கோமூத்திர உரை நிகழ்த்த தான் காமகோடிக்குத் தெரியும். அவர் ஃபெயின்மேனை எல்லாம் படித்திருப்பார் ஆனால் பரப்புரை செய்வது கோமூத்திரம். Bloody scumbag and Hypocrite.
References:
1. Nilanjan Sarkar Committee Report https://kgpchronicle.iitkgp.ac.in/wp-content/uploads/2020/02/Sarkar-Committee-Report.pdf
7.
No comments:
Post a Comment